Manic Monday...

Jæja, þá er nú komið að því að maður slengir inn hér einhverjum fréttum. Það er nú alveg af nógu að taka, ég átti gott kvöld í fyrirkreppupartýinu og fylgir hér mynd af mér í skrúðanum ásamt einni samstarfskvinnu. Ég var eins og Grimmhildur Grámann þegar ég mætti í geimið. Alveg grínlaust. Með sígarettumunnstykki, fjaðrir, perlur og í kápunni minni með loðhettunni. Þegar ég mætti á barinn (sem átti að hittast á fyrir partýið) í öllu mínu veldi sátu allir bara penir og enginn í fjaðraham. Mig langaði doldið að gufa upp, svona með einu góðu magic trick. Þegar á leið fóru svo allir að tína á sig draslið upp úr einhverjum pokum en þá var ég búin að sitja drykklanga stund eins og einhver fígúra í miðjum hópnum. En jæja, ég fílaði þetta outfitt alveg í ræmur og mun grípa hvert tækifæri til að skreyta mig 20's style héðan í frá. Síðasta vika var svo algjör nightmare vika í vinnu (skilafresturinn ógurlegi farinn að setjast aðeins á sinnið) en síðan gerðist nú bara ekki minni viðburður en það að mín kæra Halla tók sér stutta pásu frá bjúrókrötunum í Brusselby og heiðraði okkur með nærveru sinni um helgina. Það var æðislega huggulegt og við hamingjuðumst alveg helling yfir eigin skemmtilegheitum enda er Hallan stuðpinni á heimsmælikvarða eins og kunnugir þekkja. Þess ber myndin hér til hægriágætlega merki en á henni eru Halla og Sandra í léttri sveiflu næstsíðasta kveld nýliðins árs.

Ég hef ekki miklu að deila hér nema þessu myndasjóvi. Maður bara vinnur, vaskar upp og er á sloppnum. Þannig er klukkustundunum í vöku best lýst. Annars er nú að hlýna hérna og veðrið bara alveg með besta móti. Nú fer að líða að því að strákarnir fara í annarfrí í skólanum og þá ætla ég að taka mér nokkra frídaga líka. Júhúúúúúú, meira frí, meira frí......

Óska ykkur góðrar vinnuviku...

Lov, Hilla.