Hvar hafa dagar....

bloggs míns lit sínum glatað???

Það er af sem áður þegar maður rúllaði hér upp 20 kommentum eins og ekkert væri (jæja, átti nokkur sjálf en samt...) Humm, ég velti nú fyrir mér hvort ég sé ekki næstum því eins skemmtileg og ég var vön að vera. Það verður nú víst að viðurkennast að bloggandinn kemur ekki jafn áreynslulaust yfir mig eins og áður.

En jæja, nú er ég búin að endurformatta þetta allt og með aðstoð Línu gat ég komið síðunni aðeins upp úr þessu frumstæðari horfi og er bara komin með tengla og alles. Legg ekki meira á ykkur. Nú verður vonandi ekki jafn mikið mál að smella inn myndum.

Vegna þess að nú nálgast jólin óðum og næstu áramót fór ég að rúlla yfir þau fyrirheit sem ég gaf sjálfri mér um síðustu áramót og birti hér í byrjun árs. Til glöggvunar fyrir ykkur lesendur góðir birtast þau á undan núverandi stöðu:

1) Minnkuð sykurneysla. Þori ekki að kalla þetta sykurneyslustraff þar sem ég mun ólíklega hafa sjálfsaga í það. Hins vegar ætla ég að huga betur að mataræði og heilbrigðum lífsmáta og reyna að vinna á mikilli lakkrísfíkn minni.

Sykurneyslan já. Nokkur framþróun hér þegar fór að síga á árið. Byrjaði að raða í mig þurrkuðum ávöxtum sem ég keypti í heilsuverslun og áttaði mig of seint á því að þeir voru hunangsbaðaðir fyrir þurrkun. Blés út eins og blaðra og var orðin þéttari en ever before um páska. Þetta var nú tekið svo nokkuð föstum tökum um tíma og sennilega var mesta framþróunarskref stigið þegar ég hóf mikla tedrykkju sem ég er farin að trúa að sé allra meina bót. Er algjörlega húkt á herbaltei og snerti ekki hunangsávextina. (Mæli eindregið með Yogi Teas sem fást í heilsuhúsinu, Detox er algjört dúndur). Þannig að ég gef sjálfri mér 7/10 hérna.

2) Samhliða þessu hef ég í hyggju að rækta andann enn betur og reyna að minnka streituna. Mér hefur verið bent á bók, Slowing down to the speed of life sem ég ætla að panta og lesa á kvöldin fyrir svefninn.

Ég get nú bara verið nokkuð ánægð með mig hérna. Ég hef svo sannarlega ræktað andann og tel reyndar að um þessar mundir sé hann sé betur ræktaður en nokkru sinni fyrr. Ef það væri meira væri það bara verra, hahaha. Ég get nú ekki sagt að mér hafi tekist að minnka streituna fyrr en nýlega. Þetta var eiginlega mikið streituár og eiginlega alveg bara þangað til að ég minnkaði vinnutímann minn um eina og hálfa klukkustund á dag í síðustu viku. En jæja, það er allt á uppleið. 9/10 fyrir andann og 6/10 fyrir streituna.

3) Hætta að fara með skólabækurnar upp í rúm og leyfa mér að lesa eitthvað spennandi fyrir svefninn...

Þetta var algjör feill fram eftir árinu. Las nánast ekkert nema skólalestur þangað til í september. Er ekki komin búin með nema 2 kafla í bókinni sem á að leiða mann að því að hægja á hraða lífsins, svei. Er að bæta upp fyrir það núna og er núna að lesa Hrafninn hennar Villu. Ætla að skrifa meira um bókalesturinn minn í næstu færslu. 6/10 hérna.

4) Verða ennþá skemmtilegri en ég er vön að vera..(það verður erfitt, múhahahahaha) en heit 1-3 ættu reyndar að stuðla að þessu.

Ja, hér get ég varla dæmt mig sjálf. En sé tekið mikið af því hversu viðbrögðin við skrifum mínum hér hafa farið minnkandi get ég ekki annað en efast. Kannski er negatívt samband á milli skemmtilegheita og andlegs jafnvægis, hummm...Einkunnagjöfin verður því ekki nema 4/10.

5) Nú skulu fjármál heimilins tekin föstum tökum. Greiðsluþjónustunni hefur verið sagt upp, nú ætla ég að sjá um þetta sjálf og hagsýn skal verða mitt middle name.

Og að síðustu fjármál heimilisins. Er nú bara í þokkalegustu málum þar en veit ekki hvort þakka ber þar hinni nýju hagsýnu mér. Geri oft vel við okkur hérna og eyði ennþá of miklu í krem og snyrtidót. Ég hef nú einhvern tíma sagt að ef það er eitthvað sem ég ætti að tryggja hérna sérstaklega væri það snyrtikerran ógurlega. Æji, maður verður að eiga eitthvað thing. Þetta er mitt. Veit ekkert hvað ég á gefa mér í stig hérna...segjum bara status quo.. 5/10.

Þegar ég fer að fara yfir þetta sé ég nú að þetta er nú bara ekki svo slæmt. Nú þarf maður bara að vinna sig upp í skemmtilegheitunum og á þá er allt á uppleið!!

Kossar,


McHillan