Hálöndin...

here we come...

Var rétt í þessu að enda hálftíma símtal við starfsmann Scottish Rail og náði að bóka helgarferðalag fyrir okkur tríóið til Aviemore, smábæjar í norðrinu sem er víst voða gaman að heimsækja, segja þær innfæddu sem vinna með mér. Ferðalagið í hálandalestinni er víst ein og sér næg ástæða til að skella sér og ku vera líklegt að ægifallegt landslagið á leiðinni hafi verið fyrirmyndin af lestarleið galdradrengins Potter í lærisetrið góðkunna. Myndum þetta allt í bak og fyrir náttúrulega.

Nú skipuleggur maður tímann sem eftir er út í ystu æsar. Er búin að gera lista yfir things to do og það er töluvert sem maður á eftir að öpplifa áður en hægt er að kveðja Skotlandið.

Listinn er einhvern veginn svona og ekki tæmandi, ég tek það fram:

-Royal Botanic Gardens í Edinborg (skammast mín geðveikt en er ekki búin að fara)

-Arthur Seat, ef nokkur kostur er á páskadagsmorgun þegar egg eru látin rúlla niður sætið að gömlum sið.

-St. Andrews- ómissandi ein ferð þangað, ekki reyndar sú fyrsta

-Stirling kastali- er búin að vera of lengi á leiðinni þangað

-Ludon kastali á vesturströnd Skotland- einhver tívoligarður sem gormarnir verða að komast í.

-Heimsókn til Hálandahöfðingjans í Glenbogle - pílagrímsferðalag múttu gömlu í kastala Hálandahöfðingjans. Held að mamma geri ráð fyrir því að við hele familien birtumst þá í næstu þáttaröð BBC. Þurfum helst að gista þarna yfir nótt.

-Writer´s Museum í Edinborg

-Hjólaferð meðfram kanalnum

-Túrbó verslunarleiðangur í Bobbi Brown á Princess Street

...auk nokkurra hjólaferða og göngutúra á alla uppáhaldsstaðina okkar innan borgarmarkanna....Svo þarf maður víst að pakka og koma í skip og þrífa og vesenast sem er að sjálfsögðu far less enjoyable en það sem ég er búin að tíunda að ofan.

Ó mæ god. Eins gott að ég á bara tvo daga eftir í vinnunni....

Luv, Hilla hálandapilla.