Gat það verið...

að það væri eitthvað einfalt mál að flytja hér litla búslóð milli húsa?
Ó nei. Ég var svo brött að ætla bara að hringja á eins og einn sendibíl í gær þegar ég var búin að pakka niður. Er þá ekki bara vikubið! Hér veit fólk víst með minnst vikufyrirvara hvenær það þarf á sendibíl að halda þegar það er að flytja. Djísús. Þetta er eins óíslenskt og það getur verið. Og svo að það sé ekki nóg þarf ég að flytja fyrst allt draslið til Arnars og síðan þaðan og í nýju íbúðina næsta laugardag. Double trouble. Einn removal sörvisaðili sem var laus sagðist taka 70 pund á tímann og hvert útkall væri minnst 4 tímar!! Blessaður og sæll sagði ég þá, heyrumst never again. Við fórum svo með tvær ferðir af dóti í kerrunni hans Elvars Orra og strákarnir skömmuðust sín niður í hæla. Mér var reyndar ljóst að slíkur flutningur myndi taka alveg forever.

Jæja, loksins náði ég svo í flutningaþjónustu sem sér um svona "smaller movings" og átti tíma á miðvikudag og laugardag. Það er víst bara þeir sem eru annað hvort mjög reiðir (hann útskýrði það ekki nánar) eða hefur verið fleygt út sem panta flutningabíl með mjög short notice sagði karlinn. Nú eða þá Íslendingar. Hann kannaðist við það líka. "Þú verður að pakka mjög skynsamlega og ekkert þyngra en þú getur sjálf borið. Síðan verður þú að átta þig á því að manneskjan sem kemur er bara að aðstoða þig og gerir þetta ekki fyrir þig" tvíendurtók hann svo. Jájá, ég sagðist nú skilja það en sagðist ekki verða heima sjálf á miðvikudaginn og bróðir minn yrði hérna til að græja þetta. "Ég ráðlegg þér eindregið að vera heima sjálf" sagði þá flutningamógúllinn, "annars er hætta á því að sá einstaklingur sem á að hafa umsjón með þessu, í þessu tilfelli bróðir þinn, sé confused og skilji ekki að bílstjórinn sé þarna bara til að aðstoða en ekki til að sjá um þetta. Svo skilur hann kannski ekki heldur að bílstjórinn tekur ekkert þyngra en hann sjálfur getur borið. Síðan verður að vera alveg örugglega búið að pakka öllu." Mig langaði að fara að hlæja. Ég sá Arnar brósa einmitt fyrir mér alveg rosalega confused yfir þessu öllu, og enn meira confused en ég myndi vera sem er líklegt eða þannig. Ég gat fengið karlinn með semingi til að samþykkja þetta. Með því skilyrði að ég borgaði flutningana no matter what. Þó við yrðum bara svo hringlandi confused að við hættum bara að við að flytja þegar bílstjórinn kæmi.

Ég hefði síðan átt að gera aðeins meira grín að þessu eldvarnarráðstöfunum í síðustu færslu. Brunabjallan glumdi bara yfir allt í vinnunni í morgun og allir þutu út með það sama. "Á maður að ansa þessu?" spurði ég. Yesss, sögðu samstarfskonur mínar og tættust í jakkana, þrifu veskin og hlupu niður neyðarútganginn. Þar hittust allir við tré og farið var í gegnum það hverja vantaði. Þetta reyndist síðan vera brunaæfing. Þær eru reglulega og alltaf teknar jafn alvarlega. Síðan fóru bara allir upp og héldu áfram að vinna eins og ekkert hefði í skorist.
Ég man aldrei eftir að hafa hreyft mig þar sem brunabjalla byrjar að gala. Það er bara einhver einn sem hleypur af stað til að slökkva á bjöllunni sem vogar sér að tröfffla þegar fólk er bissí.

Cultural difference. Það er þema dagins í dag.

Ykkar, Hilla bruna-og flutningapilla.

Hamingjuóskir fær svo hinn brósi minn sem er heldur ekkert voðalega confused og var að skila mastersritgerðinni sinni í Essex á föstudaginn. Kemst ekki til að hringja í þig Árni minn, fyrr en þetta flutningsbrjálæði er over and done with. Þá hringi ég og við eigum gott spjall.